الامل

منتدي عربي عام يقدم لكم الجديد والجديد من الموضوعات الشيقه والمفيده لكل فرد في الاسره العربيه
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 الأم مدرسة"

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


المساهمات : 13253
تاريخ التسجيل : 28/02/2014

مُساهمةموضوع: الأم مدرسة"   الإثنين نوفمبر 17, 2014 9:40 pm

الأم مدرسة"
أنا زمان سمعت أن الأم مدرسة و لما كبرت وبقيت أم عرفت أن التعبير ده صح. طب لو الأم مدرسة أنت عايزة تكوني ايه؟ مدرسة حكومية؟ ولا مدرسة تجريبية؟ ولا مدرسة خاصة؟
أنا قررت أكون المدرسة الألماني اخدت دروس في تربية الاطفال وقريت كل كتاب لقيته قدامي. هل بيقت سوبر ماما؟ أكيد لا مكنش حد غلب. أيام باكون مدرسة ميري واحيانا بوصل للمدرسة البريطاني ولا حتى الالماني. أهم حاجة انك كل يوم تحاولي.
في باحث هنا مشهور اسمه Stephen Covey بيقول : " أبدأ بالنهاية اللي أنت عايز تشوفها." لازم كل أم تاخد قرار: أنت عايزة ابنك يطلع ضعيف؟ اضربيه, عايزه يطلع شخصيته مهزوزه ؟ هزقيه واحرجيه قدام اصحابه, عايزه يطلع جبان ؟خوفيه. أما بقى لو عايزه يطلع جدع شجعيه,وعلميه يتحمل المسؤليه وادي له القدره على الاختيار. ضرب الاطفال له عقوبة في سبعة وتلاتين دولة ليه؟ عشان في سنين من الابحاث قالت انه مضر وبيجيب امراض نفسية.
جت لي رسائل بتقول : " ابني عصبي و عنيد. " طب لو أنا سئلت ابنك دلوقت هيقول ايه : " ماما صبوره وهاديه وحنينة." ولا حيقول: " ماما عندية وعصبية."؟؟ الحياة صعبة واكيد الضغوط النفسية كتيرة بس لو ضيعنا العيال يبقى بنضيع المستقبل. أهم حاجة انك كل يوم تبني العلاقة بينك وبين اولادك. ابنك مش لازم يخاف منك احسن انه يخاف على زعلك.
في دكتور هنا اسمه Kevin Leman بيقول كل طفل محتاج لتلت حاجات هو مسميها (A,B,C (Acceptance, Belonging and Competence
يعني الطفل اللي بتقال له يا غبي عمره ما حيتعلم يشغل مخه والطفل اللي مش حاسس بالحنان والانتماء لحضن اسرته عمره ما حينجح والطفل اللي ما تعلمش ينمي قدراته عمره ما حيتحمل مسؤليه.
الطبيعي أن الاطفال في مرحلة اعداد عشان يبقوا كبار. مفيش طفل مفروض يتصرف صح على طول ويبقى مثالي. الطبيعي أن الطفل لسه بيتعلم. الطبيعي انه لسه مش عارف الأجابه الصح لأنه لسه بيكون شخصيته. محدش بيعرف اجابات ثانوية عامة وهو في الحضانة. ساعديه يعرف الاجابه الصح وياخد وقته في التعليم.
أهم حاجة افتكري ان المدرسة ليها اجازات ولازم تعملي وقت لنفسك عشان تكوني سعيدة وتهدي اعصابك لأن زي ما قالوا زمان فاقد الشيء لا يعطيه.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elaml.mountada.net
 
الأم مدرسة"
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الامل :: المراه والطفل :: الامل-
انتقل الى: