الامل

منتدي عربي عام يقدم لكم الجديد والجديد من الموضوعات الشيقه والمفيده لكل فرد في الاسره العربيه
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 فاكر فاكر لما كان وكان وكان ......

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


المساهمات : 13251
تاريخ التسجيل : 28/02/2014

مُساهمةموضوع: فاكر فاكر لما كان وكان وكان ......   الإثنين سبتمبر 12, 2016 11:33 am

فاكر فاكر لما كان وكان وكان ......
فاكر لما جرس الفسحه يضرب ونجرى على السلالم ونقول فوووووسحه ......فوووووسحه .....عم خليل الاوزعه
فاكر لما روحت المدرسة وانا مش عامل الواجب ولما عرفت ان الابله غايبه كنت هطير من الفرح ولغاية النهارده لم افرح فرحة تعادل فرحة هذا اليوم ...
فاكر لما جرس المروح يضرب ونجرى على السلالم ونقول مممممروااح .......ممممروااح
فاكر بعد المروح لما كنا نتجمع فى اى حته فاضيه ونعمل بشنط المدرسه اجوان ونلعب كوره واحنا عارفين اننا هناكل عولق ما خدهاش حمار فى مطلع
فاكر صاحب الكوره اللى داايما ما كنش بيعرف يلعب وكان بيتحكم فينا وبيزل اهالينا وكنا بنلزقه للبعض واحنا بنقسم الفرقتين
فاكر راس السنه الهجريه وافلام الشيماء وفجر الاسلام وهجرة الرسول
فاكر مولد النبى وتواشيح ماشى فى نور الله ولما بدى فى الافق نور وحب الرسول يابا دوبنى دوب والعروسه والحصان واغنية حلاوة زمان عروسه حصان
فاكر ليلة الاسراء والمعراج لما كنا بنقول عليها موسم رجب ونتلم ونعمل عزومه محترمه
فاكر ليلة النص من شعبان لما كانت موسم ونعمل فيها بط ورقاق ونتلم ونعمل عزومه محترمه
فاكر لما كنا نسمع اغنية رمضان جانا وفرحنابه وقبل ما يخلص بشويه نسمع اغنية والله لسه بدرى ....والله لسه بدرى يا شهر الصيام
فاكر اول يوم العيد لما تسمع العيد فرحه .....يا سلام .....واجمل فرحه .....يا سلام والافلام الهندى وجبار سين 
فاكر قبل العيد الكبير لما كنا نسمع اغنية ليلى مراد يا رايحين للنبى الغالى هنيالكوا وعقبالى
فاكر عيد الام لما كنا نسمع ست الحبايب يا حبيبه ونجيب هديه للابله فى علبه زرقه فيها منديل وازازة ريحه ومش مهم نجيب لماما !!!
فاكر شم النسيبم واغنية سعاد حسنى الدنياربيع والجو بديع ....والشجر الناشف بقى ورور ....والطير بقى لعبى ومتهور
فاكر عيد تحرير سينا ومصر اليوم فى عيد
فاكر عيد ثورة يوليو وفيلم الميره انجى وعلى ابن الجناينى
فاكر 6 اكتوبر وفيلم الرصاصة لا تزال فى جيبى وبدور
فاكر عيد العمال والمنحه يا ريس وعيد ميلاد مبارك اللى بيذيعوا فيه فيلم عنتر بن شداد والناصر صلاح الدين
فاكر شهر مارس زكرى وفاة عبد الحليم لما كان التلفزيون بيعمينا افلام الخطايا وايامنا الحلوه
فاكر سينما الاطفال ونادى السينما واخترنالك وجولة الكاميرا ومواقف وطرائف وعالم الحيوان وعالم البحار والشيخ الشعراوى بعد صلاة الجمعه
فاكر لما كان عندنا رئيس منتخب عايز يحافظ على البنات والولاد ويمتلك تلت حاجات غذائنا ودوائنا وسلاحنا !!!!!!!!!!!!!!!!!!!!!!!!!
كل اللى فات كان له طعم وطعم خاص جدا وزى ما احنا عارفين ان طعم الجاجات بيعيش ساعات
من يوم 30 سونيا وانا فقدت طعم الحاجات وحاسة التذوق تماما وبقى طعم البطاطس زى اللحمه زى اليتنجااااااان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elaml.mountada.net
 
فاكر فاكر لما كان وكان وكان ......
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الامل :: ضحكني شكرا :: الامل-
انتقل الى: